Хүүхдийн баярын арга хэмжээний үеэр нийтийн тээврийн дөрвөн чиглэлд өөрчлөлт орно

Олон улсын хүүхдийн эрхийг хамгаалах өдрийн баярын арга хэмжээний үеэр зам хаах тул нийтийн тээврийн дараах чиглэлд өөрчлөлт орж байна.

М1А-Таван шар-Мөнгөн завьяа чиглэлийн замналд өөрчлөлт орж Таван шар -Тэнгис кино театраар явахаар болж өөрчлөгдлөө.
М3-Архивын Ерөнхий газар-Сүхбаатарын талбай чиглэлийн замналд өөрчлөлт орж Архивын Ерөнхий газар-МУБИС-Ард кино театраар явна.
Х19-Чингис хаан Олон улсын нисэх буудал-Сүхбаатарын талбай чиглэлийн замналд өөрчлөлт орж Чингис хаан Олон улсын нисэх буудал 120 мянгатын автобусны буудал хүрээд буцаж явахаар өөрчлөлт орлоо.
Ү30-Сүхбаатарын талбайн төв зогсоол-Натур худалдааны төв-Жанжин клуб- чиглэлийн замналд өөрчлөлт орж Сүхбаатарын талбайн өмнөх зогсоолд зогсон, Хүнсний 1-р дэлгүүрээр буцаж эргэн Хүүхдийн соёл амралтын хүрээлэн, Натур худалдааны төв Жанжин клуб маршрутаар явахаар боллоо.

Энэ өөрчлөлт 2025- оны 06-р сарын 1-ний өдрийн 06.00-20.00 цаг хүртэл үргэлжлэх тул зорчигч та бүхэн мэдээллийн дагуу автобусаа сонгон үйлчлүүлнэ үү.