Автобусны буудал дээрээ зогсоогүй жолооч нарыг торгов

Нийтийн тээврийн бодлогын газарт иргэдээс ирсэн талархлыг хүлээн авч, санал, гомдол, хүсэлт бүрийг тухай бүрд нь шийдвэрлэн ажиллаж байна. Нийтийн тээврийн бодлогын газрын 70044040 дугаарын утсанд 2025 оны 11 дүгээр сарын 15-24-ний өдөр иргэдээс ирсэн талархал, санал, хүсэлт, гомдлыг хэрхэн шийдвэрлэснийг хүргэж байна.

🤗Талархал: Сүхбаатар дүүргийн иргэн Цогоо: “Зорчигч тээвэр нэг” ОНӨААТҮГ-ын 1-038 гарааш дугаартай автобусны жолооч З.Батмөнх харааны бэрхшээлтэй таягтай намайг Сүхбаатар дүүргийн эмнэлгийн буудлаас хүлээж зогсож байгаад автобусандаа суулгасанд талархаж байна. Талархлыг аж ахуйн нэгжид уламжилсан.

🤗 Талархал: Баянзүрх дүүргийн иргэн Баярмаа: ДЮЦ ХХК-ийн 16-001 гарааш дугаартай автобусны жолооч Нямдаваа дөрвөн хоногийн өмнө нь автобусанд орхиод буусан цүнхийг минь олж өгч тусалсанд баярлалаа.

🤗 Талархал: “Зорчигч тээвэр хоёр” ОНӨААТҮГ-ын 2-220 гарааш дугаартай автобусны жолооч Эрдэнэбаяр эд зүйлсээ орхиод буусан байсныг олж өгсөнд маш их баярлалаа.

🤗 Талархал: Баянзүрх дүүргийн иргэн Л.Төмөрбаатар: Ч:19Б (Цагаан давааны задгай-Сансарын үйлчилгээний төв) чиглэлийн ДЮЦ ХХК-ийн 16-012 гарааш дугаартай автобусны жолооч Ц.Сүрэнжавд маш их баярлалаа. Хаясан гээсэн эд зүйлсийг минь түргэн шуурхай олж өгсөн.

🤗 Талархал: Сүхбаатар дүүргийн иргэн Б.Цэцэгдэлгэр: Ч:19А (Цагаан давааны задгай-Сансарын үйлчилгээний төв) чиглэлийн ДЮЦ ХХК-ийн 16-025 гарааш дугаартай автобусны жолооч Б.Нямдорж нь найрсаг сайхан үйлчилсэнд баярлалаа. Ажлын өндөр амжилт хүсье.

🤗 Талархал: Баянгол дүүргийн иргэн М.Март: Ч:57 (Улаанчулуут-МУИС) чиглэлд явж байгаа "Зорчигч тээвэр хоёр" ОНӨААТҮГ-ын 2-094 гарааш дугаартай автобусны жолооч М.Мэндбаяр нь соёлтой найрсаг сайхан үйлчилж байгаад баярлалаа. Тэргэнцэртэй хүн буухад нь тусалж байсан. Энэ жолоочид ажлын амжилт хүсье.

🤗 Талархал: Сүхбаатар дүүргийн иргэн О.Бямба: Ч:19А (Цагаан давааны задгай- Сансарын үйлчилгээний төв) чиглэлд явж байгаа ДЮЦ ХХК-ийн 16-005 гарааш дугаартай автобусны жолооч Б.Билгүүн нь соёлтой найрсаг сайхан үйлчилж байгаад баярлалаа. Жолооч танд ажлын өндөр амжилт хүсье.

✅ Иргэний санал: Чингэлтэй дүүргийн иргэн Жаргалсайхан: Ч:33 “Хайрхан хөгжлийн төв-Сансарын тойрог” чиглэлийг цааш нь хоёр буудал сунгаж, Халдварт ордог болгож өгнө үү? Судалж шийдвэрлэж, хариу өгнө үү?

✅ Шийдвэрлэлт: Тухайн чиглэлийг сунгахад чиглэлийн давхцал үүсэх эрсдэлтэй байгаа тул уг чиглэлийг Халдварт руу оруулах боломжгүй. Тухайн иргэн нь Салхитын автобусны зогсоолоос М:2 чиглэлд суун Сүхбаатарын төв зогсоолоос Ч:78 чиглэлд дамжин сууж Халдварт орох бүрэн боломжтой.

📍 Иргэний гомдол: Баянгол дүүргийн иргэн О.Булган: Ч:51 (Дүүхээ дэлгүүр-Дүнжингарав худалдааны төв) чиглэлийн 11-061 гарааш дугаартай автобусны жолооч тээврийн хэрэгсэл дотроо тамхи татсан.

📍 Шийдвэрлэлт: “Трансбус” ХХК-ийн автобусны жолооч Б.Бат-Эрдэнэд ЗТХ-ийн 14.6 дугаар зүйлийн  9 дэх заалтаар 25 нэгжээр торгуулийн арга хэмжээ тооцов.

📍 Иргэний гомдол: Иргэн Д.Гомбосүрэн: Ч:15 (Нисэх-5 шар) чиглэлд явж байгаа 15-013 автобусны жолооч 7-р сургууль буудлаас хүнээ авахгүй явсан.

📍 Шийдвэрлэлт: “Зорчигч тээвэр дөрөв” ОНӨААТҮГ-ын 15-013 гарааш дугаартай автобусны жолоочид зөрчлийн тухай хуулиар торгуулийн арга хэмжээ тооцсон.

📍 Иргэний гомдол: Хан-Уул дүүргийн иргэн Д.Баасанхүү: Ч:42 (Зайсан-Монгол хюндэй киа компани) чиглэлд явж байгаа 11-105 гарааш дугаартай автобусны жолооч нь Дунд голын 1-р буудлаас 3-р эмнэлгийн буудал хүртэл байнга утсаар ярьж яваад байна. Халтиргаа гулгаа ихтэй үед анхаарал болгоомжгүй байна. Арга хэмжээ авч хариу өгнө үү.

📍 Шийдвэрлэлт: Хариуцсан баазын мэргэжилтэнд жолооч нартаа чихэвчээр удаан хугацаанд ярьж болохгүй. Ажлын цэвэрхэн хувцас өмсөж байхыг анхааруулж сануулсан.

📍Иргэний гомдол: Иргэн Л.Цэнгэлмаа: Х:6 (Өлзийт хороолол-Яармагийн 3-р буудал) чиглэлд явж байгаа 15-021 автобусны жолооч Архивын ерөнхий газар буудлаас хүнээ авахгүй явсан. Энэ жолооч хүний биед халдаж буулгасан.

📍 Шийдвэрлэлт: Камерын бичлэг шалгахад жолооч автобусны зогсоол руу гүйцэт орж зогсон зорчигчоо авсан байна. Гомдол гаргасан иргэн согтуу байсан ба автобусны жолоочийг загнаж хэрүүл хийсэн. Автобусанд байсан иргэд гомдол гаргасан иргэнийг автобуснаас хөөж буулгасан.

📍 Иргэний гомдол: Хан-Уул дүүргийн иргэн А.Батбаяр: Ч:50 (Улаанхуаран эцэс- ТЭЦ-3) чиглэлийн 1-035 гарааш дугаартай автобусны жолооч тамхи татсан.

📍 Шийдвэрлэлт: “Зорчигч тээвэр нэг” ОНӨААТҮГ-ын 1-035 гарааш дугаартай автобусны жолооч Ц.Мөнхжаргалд зөрчлийн тухай хуулийн 14.6 дугаар зүйлийн 9 дэх заалтаар 25 нэгжээр торгуулийн арга хэмжээ тооцов.

📍 Иргэний гомдол: Хан-Уул дүүргийн иргэн Б.Шаарийбуу: Ч:9 (Нисэх-Тэнгис-МУИС) чиглэлд явж байгаа 15-049 гарааш дугаартай автобусны жолоочийн зан харьцаанд арга хэмжээ авч хариу өгнө үү. Орон сууцны буудал дээр хүүхэд хөөж буулгасан.

📍 Шийдвэрлэлт: Камерын бичлэг шалгахад “Зорчигч тээвэр дөрөв” ОНӨААТҮГ-ын автобусны жолооч зүй ёсны шаардлага тавьж хүүхдийг буулгасан. Сургуулийн насны хүүхэд автобусанд 200 төгрөгөөр зорчино гэж заасан байдаг тул зорчих хөлсөө төлөөгүй бол тухайн автобусны жолооч суулгахгүй байх эрх үүрэгтэй.

📍 Иргэний гомдол: Сонгинохайрхан дүүргийн иргэн Д.Ням-Эрдэнэ: Ч:79 (Монгол хюндэй-Хангарьд цогцолбор) чиглэлд явж байгаа 15-025 гарааш дугаартай автобусны жолооч нь Хүннү их дэлгүүр зогсоолоос хүнээ аваагүй. Маш их гомдолтой байна. Шалгаж арга хэмжээ авч хариу мэдэгдэнэ үү.

📍 Шийдвэрлэлт: Камерын бичлэг үзэхэд Хүннү их дэлгүүрийн баруун буудалд 20:02 цагт Ч:9 чиглэлийн 15-055 чиглэлийн автобустай цуг ирж хүнээ буулгасан. Тус буудалд зогсож байсан хоёр хүн 15-055 автобусанд суусан. Буудлаас хөдөлсний дараа хажуу талын замаас нэг хүн гүйж гарч ирсэн. Жолооч буруугүй.

📍 Иргэний гомдол: Иргэн Тулга: Ч:8 “Хайлаастын шинэ эцэс-МУБИС” чиглэлийн 1-104 гарааш дугаартай автобус 20:55 цагт Хөгжим бүжгийн коллежийн буудал дээр буух цаг болсон гээд бүх хүнээ буулгасан. Арга хэмжээ авч хариу өгнө үү.

📍 Шийдвэрлэлт: Камерын бичлэг ажиллахгүй тул хариуцсан хэсгийн даргад дахин ийм асуудал гаргуулахгүй анхаарч ажиллах үүрэг өгөв.

📍 Иргэний гомдол: Автобусаа удаан хугацаанд орхиж явсан. Ажлын цагаар ингэж болохгүйг хэлэхэд хараалын үг хэлсэн. Олон хүн ажил хичээлдээ яарч яваа цагт ингэж орхиж явж болохгүй. Хувийн асуудлаа өөрөө зохицуулах ёстой. Ажлаасаа хоцорсон гомдолтой байна.

📍 Шийдвэрлэлт: Камерын бичлэг шалгахад Улаанхуарангийн эцэс 8:35-8:40 цагийн хооронд тухайн жолооч ариун цэврийн өрөө орсон байна. Бичлэгийн дуу ажиллахгүй тул жолоочийн бүдүүлэг үг хэлсэн нь нотлох боломжгүй. Жолооч эцсийн буудал дээр 5-10 минут амарч, ариун цэврийн өрөө орох эрхтэй.

📍 Иргэний гомдол: Баянзүрх дүүргийн иргэн Саруул: М:1 “5 шар-Офицеруудын ордон” чиглэлд үйлчилж байгаа 1-059 гарааш дугаартай автобусны жолооч Өргөө амаржих газрын буудлаас наана зогссон тул буудал дээрээ зогс гэж шаардлага тавихад бүдүүлэг үг хэлсэн.

📍 Шийдвэрлэлт: Камерын бичлэг үзэхэд Өргөө амаржих газрын урд буудалд 3-041 гарааш дугаартай автобусны ард буудал дээр зогсож хүнээ буулгаж, суулгасан. Гомдол гаргагч буудал дээрээ зогсооч гэхэд жолооч битгий хуц гэж хэлсэн. Хараалын үг хэлээгүй. Нэг зорчигч хэрүүлч авгай байна гэж хэлсэн. Автобус хүн ихтэй явсан. Гомдол гаргагч хэрүүл өдөж, худлаа гүтгэсэн.

📍 Иргэний гомдол: Иргэн Б.Ганчимэг: Ч:24Б (Нисэх-МҮИС) чиглэлд явж байгаа 13-104 гарааш дугаартай автобусны жолооч 3,4-р хорооллын эцсийн буудлаас хүнээ авахгүй явсан. Гомдолтой байна. Арга хэмжээ авч хариу өгнө үү.

📍 Шийдвэрлэлт: “Эрдэм транс” ХХК-ийн жолооч Энхдүүрэнг 25 нэгжтэй тэнцэх төгрөгөөр торгох шийтгэл ногдуулсан.

📍 Иргэний гомдол: Иргэн: М:3 “Архивын ерөнхий газар-Сүхбаатарын талбай” чиглэлийн 15-035 гарааш дугаартай автобусны жолооч Хангарьд цогцолборын буудалд зогсоогүй хоосон явсан. Арга хэмжээ авч хариу өгнө үү.

📍 Шийдвэрлэлт: “Зорчигч тээвэр дөрөв” ОНӨААТҮГ-ын 15-035 гарааш дугаартай автобусны жолоочийг 25 нэгжээр торгосон.