Нийслэлийн Бизнес, инновацын газрын төлөөлөлттэй албан уулзалт хийлээ

Нийтийн тээврийн бодлогын газрын дарга Д.Отгонжаргал болон удирдлагууд Нийслэлийн Бизнес, инновацын газрын дарга Ж.Төгөлдөр болон албаны хүмүүсийг хүлээн авч уулзлаа. 

Нийтийн тээврийн бодлогын газрын дарга байгууллагынхаа үйл ажиллагаа болон цаашид хийж хэрэгжүүлэх ажлаа танилцуулж, системийн шинэчлэлийг шуурхай хийж, салбарын дата мэдээлэлд тулгуурлан ажлаа төлөвлөж буйг онцоллоо.

Дата мэдээллийг улам боловсронгуй болгож, нийтийн тээврийн салбараас гадна ачаа тээвэр, такси, авто үйлчилгээний салбарын үйл ажиллагааны хүртээмжийг нэмэгдүүлж, дата мэдээллээ нэмэгдүүлэхэд техникийн шийдэл хэрэгтэй гэдгийг онцлон дурдлаа. 
Нийслэлийн Бизнес, инновацын газраас Нийтийн тээврийн бодлогын газрын үйл ажиллагааны онцлогт тохирсон гарааны бизнес эрхлэгч компаниудыг санал болгож, цаашид хамтран ажиллахаар боллоо.