Газрын дарга “Trans Consult” компанийн төлөөлөлттэй уулзлаа
Нийтийн тээврийн бодлогын газрын дарга Г.Билгүүн “Trans Consult” компанийн Техникийн зөвлөх Ау Ю Понг болон албаны бусад хүмүүстэй уулзлаа. Улаанбаатар хотын тогтвортой автозам, тээвэр төслийн хүрээнд Нийтийн тээврийн бодлогын газрын Удирдлагын төвийг шинэчлэх ажлыг эхлүүлж, хамтран ажиллаж байгаа юм.
Нийтийн тээврийн салбарт цаашид олон төрөлт тээврийн хэрэгсэл нэвтрэх бөгөөд энэ ажлын хүрээнд удирдлагын төвийг шинэчлэх шаардлага гарсан. Энэ ажлын хүрээнд Улаанбаатар хотын нэгдсэн төсөл хэрэгжүүлэх нэгж Хонг Конгын “Trans Consult” компанитай хамтран энэ сарын 12-13-нд семинар зохион байгуулж мэдээлэл солилцож, дэлгэрэнгүй танилцуулга хийх юм. ”Trans Consult” компанийн төлөөлөл Нийтийн тээврийн бодлогын газрын одоо ажиллаж буй Удирдлагын төвийн үйл ажиллагаатай танилцлаа.
