Ажлаа чин сэтгэлээсээ хийдэг жолооч нарт талархал ирлээ

Нийтийн тээврийн бодлогын газрын 70044040 дугаарын утсанд иргэдээс ирсэн талархал, санал, хүсэлт, гомдлыг тухай бүр шуурхай хүлээн авч, шийдвэрлэж байна. Үүнд:

Талархал: Сүхбаатар дүүргийн иргэн Т.Цогоо: Ч:28 (Сэлх-Ард кино театр) чиглэлд явж байгаа 2-209 гарааш дугаартай “Зорчигч тээвэр хоёр” ОНӨААТҮГ-ын жолооч Д.Жамъяндорж иргэдийг мэдээллээр хангаж, эелдэг сайхан харьцаж байгаад маш их баяртай байна. Жолооч бүр ийм байвал гоё, ажлын өндөр амжилт хүсье.

Талархал: Баянзүрх дүүргийн иргэн Б.Дэлгэрцэцэг: Ч:50 (Улаанхуаран-ТЭЦ-3) чиглэлийн 1-060 гарааш дугаартай “Зорчигч тээвэр нэг” ОНӨААТҮГ-ын жолооч О.Ганбаяр нь харьцаа хандлага сайтай, автобус нь маш цэвэрхэн, үнэхээр сэтгэл ханамжтай үйлчлүүллээ. Ажилд нь амжилт хүсье.

Талархал: Говьсүмбэр аймгийн иргэн Улаанхүү: М:1 (5 Шар-Офицеруудын ордон) чиглэлд явж байгаа 2-184 гарааш дугаартай “Зорчигч тээвэр хоёр” ОНӨААТҮГ-ын автобусны жолооч Т.Должинсүрэн өндөр настай аавын минь маш чухал хэрэгтэй эм тариа, бичиг баримтыг түргэн шуурхай олж өгсөнд маш их баярлалаа.

Талархал: Баянзүрх дүүргийн иргэн С.Золжаргал: Ч:34 (Шархадны эцэс-ТЭЦ-3) чиглэлийн 7-026 гарааш дугаартай Мяралзаа ХХК-н жолооч Д.Батбилэгт талархаж байна. Харьцаа хандлага сайтай, үнэхээр сэтгэл ханамжтай үйлчлүүллээ. Ажилд нь амжилт хүсье.

Талархал: Сүхбаатар дүүргийн иргэн С.Нямсүрэн: Х:2 (Шарга морьт-7 буудал) чиглэлд үйлчилж байгаа 25-074 гарааш дугаартай ''Зорчигч тээвэр тав'' ОНӨААТҮГ-ын жолооч Ц.Наргарвууд маш их баярлалаа. Зорчигч нартай маш сайхан, зөв, боловсон харьцаж байна.

Талархал: Сонгинохайрхан дүүргийн иргэн Н.Сумъяа: Ч:16А (Баруун салаа-10-р хороолол) чиглэлд явж байгаа 11-026 гарааш дугаартай “Трансбус” ХХК-ийн жолооч Б.Туул нь харьцаа сайтай, эерэг хандлагатай, ажлаа чин сэтгэлээсээ хийдэг танд баярлалаа. Ажлын өндөр амжилт хүсье.

Талархал: Баянзүрх дүүргийн иргэн Д.Даариймаа: М:1 (5 Шар-Офицеруудын ордон) чиглэлд явж байгаа 2-143 гарааш дугаартай “Зорчигч тээвэр хоёр” ОНӨААТГ-ын автобусны жолооч С.Хадбаатарт маш их баярлалаа. Тухайн тээврийн хэрэгсэл нь маш цэвэрхэн, өнгөлөг, тухтай, жолоочийн зан харилцаа эелдэг сэтгэгдэл өндөр үйлчлүүллээ.

Иргэний гомдол: Хан-Уул дүүргийн иргэн Мөнгөн-Эгшиглэн: 5 шар буудлаас ямар ч хаяггүй автобусны жолоочоос Ч:75 чиглэл мөн үү? гэж асуухад хэл амаар доромжилсон. Гомдолтой арга хэмжээ тооцож, хариу өгнө үү?

Шийдвэрлэлт: “Зорчигч тээвэр гурав” ОНӨААТҮГ-ын автобусны жолооч зөрчил гаргаагүй ажилласан байна.

Иргэний гомдол: Сүхбаатар дүүргийн иргэн Г.Мөнхцэцэг: Автобус хүн ихтэй, хойшоо явах ямар ч боломжгүй байхад жолооч 2 удаа миний биед халдаж, цохисон. Гомдолтой арга хэмжээ тооцож, хариу өгнө үү?

Шийдвэрлэлт: Жолооч бусад зорчигч орох боломжоор хангаж хойш явах тухайн шаардлага тавьж ажилласан байна. Жолооч зөрчил гараагүй байна.

Иргэний гомдол: Сонгинохайрхан дүүргийн иргэн Т.Эрдэнэмөнх: Х:15 (Жаргалант тосгон-Хар хорин) чиглэлд явж байгаа 3-235 гарааш дугаартай автобусны жолооч Жаргалант партизан зогсоолоос явах автобус халуун усны зогсоолоос Хархорин чиглэлд шууд явчихсан.

Шийдвэрлэлт: “Зорчигч тээвэр гурав” ОНӨААТҮГ-ын автобусны жолооч А-д зөрчлийн тухай хуульд заасан 25 нэгжтэй тэнцэх төгрөгөөр торгох шийтгэл оногдууллаа.

Иргэний гомдол: Сонгинохайрхан дүүргийн иргэн П.Мөнх-Очир: Ч:46 (Улаанчулуут-Та чи) чиглэлд явж байгаа 5-263 гарааш дугаартай автобусны жолооч Их наран 2 зогсоолоос хүн авахгүй явсан.

Шийдвэрлэлт: “Сутайн буянт” ХХК-ийн автобусны жолооч О-д Зөрчлийн тухай хуульд заасан 25 нэгжтэй тэнцэх төгрөгөөр торгох шийтгэл оногдууллаа.

Иргэний гомдол: Баянгол дүүргийн иргэн О.Жамбалдорж: М:1 (5 Шар-Офицеруудын ордон) чиглэлд явж байгаа 2-160 гарааш дугаартай автобусны жолооч нь хүнээ авахгүй явсан. Гомдолтой, арга хэмжээ авч хариу өгнө үү.

Шийдвэрлэлт: “Зорчигч тээвэр хоёр” ОНӨААТҮГ-ын хэсгийн дарга Ганзориг 2-160 гарааш дугаартай автобусны жолоочийн гаргасан зөрчилд шагналт цалин 5 хувь хасах шийдвэр гарсан.

Иргэний гомдол: Сүхбаатар дүүргийн иргэн Б.Амгалан: Ч:8 (Хайлааст-Цэцэг Төв) чиглэлд явж байгаа 1-134 гарааш дугаартай автобусны жолооч нь хүнээ авахгүй явсан.

Шийдвэрлэлт: “Зорчигч тээвэр нэг” ОНӨААТҮГ-ыг жолоочид арга хэмжээ авахаар болсон.

Иргэний гомдол: Баянгол дүүргийн иргэн Э.Жаргал: Орбитын шинэ эцэс дээр буухын хооронд жолооч хэл амаар доромжилсон. Гомдолтой арга хэмжээ тооцож, хариу өгнө үү?

Шийдвэрлэлт: Жолооч зорчигчид хандаж хэлээгүй ба төхөөрөмжтэй холбоотой саатлыг засварлах явцад хэлсэн үг болохыг хяналтын камераар тогтоосон. Жолоочид цаашид анхаарч ажиллахыг үүрэг болгов.

Иргэний гомдол: Сонгинохайрхан дүүргийн иргэн Д.Мандахбаяр: Ч:13 (Тахилт-3-р эмнэлэг) чиглэлд явж байгаа 3-014 гарааш дугаартай автобусны жолооч нь хөдөлгөөний аюулгүй байдлыг хангаж ажиллахгүй байна. Хүнээ гүйцэт бууж, дуусаагүй байхад хаалга хааж хавчсан.

Шийдвэрлэлт: Жолоочийн гаргасан зөрчлийг шалгаад зорчигч бууж, суухад анхаарч ажиллах үүрэг өгөв.

Иргэний гомдол: Баянзүрх дүүргийн иргэн Ч.Тодсайхан: Ч:71А чиглэлд явж байгаа 1-095 гарааш дугаартай автобусны жолооч нь Сүхбаатарын талбай зогсоолоос хүнээ авахгүй явсан.

Шийдвэрлэлт: “Зорчигч тээвэр нэг” ОНӨААТҮГ-ын жолоочид арга хэмжээ авахаар болсон.