Удирдлагын төвийг шинэчлэх ажлын хүрээнд мэдээлэл солилцох семинар болж байна

Улаанбаатар хотын тогтвортой автозам, тээвэр төслийн хүрээнд Нийтийн тээврийн бодлогын газрын Удирдлагын төвийг шинэчлэх ажлыг Хонгконгын “Trans Consult” компанитай хамтран эхлүүлсэн.

Энэ ажлын хүрээнд системийн уялдаа холбоог сайжруулж, шуурхай мэдээлэл солилцох бололцоог нэмэгдүүлэхэд ямар техник төхөөрөмж шаардлагатайг танилцуулж, мэдээлэл солилцох семинар болж байна.

Иргэдээс ирсэн санал, гомдлыг шуурхай шийдвэрлэх, мэдээллийн урсгалын цогц систем болон гүйцэтгэлийн менежмент, хэрэгжилт, төлөвлөлтийг илүү цогцоор удирддаг болохыг судлах, практик үйл явцыг илүү боловсруулах ажлыг эрчимжүүлэх зорилготой семинар хоёр өдөр үргэлжилнэ.