Фото: Газрын дарга "Зорчигч тээвэр" I, V болон Техникийн хяналтын үзлэгийн төвтэй танилцлаа

Нийтийн тээврийн бодлогын газрын дарга Г.Билгүүн харьяа байгууллага, аж ахуйн нэгжийн үйл ажиллагаа, нөхцөл байдалтай танилцаж эхэлсэн. Энэ удаа Техникийн хяналтын үзлэгийн төв болон “Зорчигч тээвэр нэг” ОНӨААТҮГ, “Зорчигч тээвэр тав” ОНӨААТҮГ-ын үйл ажиллагаатай танилцлаа.

Зорчигч тээврийн үйлчилгээ эрхлэгч байгууллагуудын үйлдвэрийн газрын ажилтан, алба хаагчидтай уулзалт хийж, нийтийн зорчигч тээврийн үйлчилгээний чанар, хүртээмжийг нэмэгдүүлэх, хөдлөх бүрэлдэхүүн, техникийн бэлэн байдал болон аюулгүй ажиллагааг хангах, жолооч нарын мэргэшсэн байдал, 2 ээлжийн зохион байгуулалт, Нийслэлийн авто замын түгжрэлийг бууруулахад нийтийн тээврийн салбарын менежмент, хүний нөөцийн чадавх хамгийн чухал гэдгийг энэ үеэр онцолж, тэдний санал хүсэлтийг хүлээн авч ажиллаа.