Д.Отгонжаргал: Нийтийн тээврийн бүх автобус ЕВРО-5 түлш ашигладаг болсноор хар утаа хаяхгүй, давуу талтай болсон

Нийтийн тээврийн автобуснууд ЕВРО-5 түлш хэрэглэдэг болсны давуу тал?

Нийтийн тээврийн бодлогын газрын дарга Д.Отгонжаргал: НИТХ-аар баталсан машин цагийн зардал дотор бол ажилчдын цалин, шатахуун, сэлбэг хэрэгсэл, нийгмийн даатгал гээд 7 зүйл багтдаг юм. Энэ болгоныг НИТХ-ын хурлаар баталж, энэ зардал нэмэгдсэнээр нийтийн тээврийн үйлчилгээнд явж байгаа бүх автобуснууд ЕВРО-5 түлш рүү шилжсэн. ЕВРО-5 түлш бол энгийн түлшнээс хоруу чанараар маш бага, утаа хүхрийн агууламж 300 дахин бага гэсэн статистик тоотой байдаг. Улаанбаатар хотын гудамжаар явж байгаа автобуснаас хар утаа хаях үзэгдэл ер нь байхгүй болсон. Өмнө нь бол нийтийн тээврийн үйлчилгээ бол автобус нь хуучин, утаа хаядаг зарим тохиолдолд шатдаг байсан бол парк шинэчлэлт хийгдсэнээр нийтийн тээврийн үйлчилгээнд явж байгаа автобус хар утаагүй, дотроо цэвэр, үзэмжтэй байдалд хүрсэн.