Ажлын хэсгийн хуралдаан боллоо

Нийслэлийн Засаг дарга бөгөөд Улаанбаатар хотын Захирагчийн өгсөн үүргийн дагуу Нийтийн тээврийн бодлогын газрыг корпорацийн зарчмаар ажиллах эрх зүйн болон эдийн засгийн боломж, нөхцөлийн талаар судлах Ажлын хэсэг өнөөдөр хуралдлаа.

Хуралдаанд Нийслэлийн Засаг даргын Тамгын газрын Дэд бүтэц, хөгжлийн бодлогын хэлтсийн тээвэр, логистикийн бодлого, төлөвлөлт хариуцсан мэргэжилтэн А.Чойжилсүрэн, Нийтийн тээврийн үйлчилгээ эрхлэгч ОНӨААТҮГ-ын ажилтнууд, Том оврын автобусны үйлчилгээ эрхлэгчдийн холбооны гүйцэтгэх захирал Ж.Дамдинсүрэн, Нийтийн тээврийн автобусны үйлчилгээ эрхлэгчдийн онц тээвэрчин холбооны төлөөлөл, Нийтийн тээврийн бодлогын газрын “Ахмадын хороо” ТББ-ын гүйцэтгэх захирал Н.Нямдаваа болон Ажлын хэсгийн гишүүд оролцон санал бодлоо солилцлоо.