Автобусны нүүрс хүчлийн хийг бууруулах талаар хамтарсан уулзалт хийлээ

Нийтийн тээврийн бодлогын газрын дарга Г.Билгүүн БНСУ-ын Кёнсанбүг мужийн Энергитекийн үйлдвэрийн товчооны менежер Mun Teak Doo болон “CS Tech” ХХК-ийн ерөнхий менежер Sok Von Tak нартай уулзлаа.

Тус компани нь агаар орчны бохирдлыг бууруулахад анхаарч ажилладаг туршлагатай бөгөөд Улаанбаатар хотын агаарын чанарыг сайжруулахад нийтийн тээврийн үйлчилгээнд явж буй автобусны нүүрс хүчлийн хийг бууруулахад хэрхэн хамтран ажиллах боломжтой талаар ярилцаж, мэдээлэл солилцлоо.

Нийслэлийн агаар орчны бохирдлын 28.9 хувь нь автомашинаас үүдэлтэй бөгөөд цахилгаан автобус түлхүү байх нь чухал ач холбогдолтойг Нийтийн тээврийн бодлогын газрын дарга онцоллоо.