Замын хөдөлгөөний аюулгүй байдлын тухай хууль, тогтоомжийн хэрэгжилтийг хангах сургалт болж байна

Замын хөдөлгөөний аюулгүй байдлын тухай хууль, тогтоомжийн хэрэгжилтийг хангах, зам тээврийн осол, хэргийн улмаас иргэдийн амь нас, эрүүл мэнд, эд хөрөнгө хохирохоос урьдчилан сэргийлэх, хөдөлгөөнд оролцогчдын буруу дадал хандлагыг өөрчлөх, зөв үйлдэлд уриалах, нийтийн зорчигч тээврийн жолооч нарын эрх зүйн мэдлэгийг дээшлүүлэх зорилготой сургалт энэ сарын 9-нөөс ирэх сарын 3-ны өдөр хүртэл үргэлжлэх юм.

Өнөөдрийн сургалтад дараах сэдвээр мэдээлэл өгч харилцан ярилцлаа.

Замын хөдөлгөөний аюулгүй байдал сэдвээр Урьдчилан сэргийлэх хэлтсийн ахлах зохицуулагч, цагдаагийн ахмад Д. Ганхуяг

Цахим хяналтын үр нөлөө, гадаад орны туршлага, нийтийн тээврийн жолооч нарын гаргадаг нийтлэг зөрчил, анхаарах асуудлууд сэдвээр Нийслэлийн Нийтийн тээврийн бодлогын газрын Хяналт, шалгалтын хэлтсийн дарга Ц.Мягмар

 Нийтийн тээврийн салбарт мөрдөгддөг үндсэн стандартууд  сэдвээр Нийтийн тээврийн бодлогын газрын мэргэжилтэн Ч.Бадамханд

Хяналт шалгалтар идлэрсэн зөрчил дутагдал, дахин давтахгүй байх боломжийг нэмэгдүүлэх нь сэдвээр Авто тээврийн хяналтын Улсын байцаагч Б.Мягмардорж

Автобусны удирдах төхөөрөмжийг ашиглах, хэрхэн ажиллах талаар ICT группийн Төслийн менежер Б.Чулуунбат

Хөгжлийн бэрхшээлтэй иргэдэд хэрхэн үйлчлэх, нийтийн тээврээр үйлчлүүлэхэд нь хэрхэн туслах, юунд анхаарах талаар ХБХХЕГ-ын Сургалт, нөлөөллийн ажил хариуцсан мэргэжилтэн Г.Гэрэлтуяа, Статистик мэдээлэл хариуцсан мэргэжилтэн О.Гаасүрэн танилцуулга хийв.

                  

Сургалтын үр дүнд нийтийн тээврийн үйлчилгээ үзүүлэгч жолооч, ажилтны хууль, эрх зүйн мэдлэг, мэргэжлийн ур чадвар, сахилга, ёс зүй дээшилж, зам тээврийн осол, хэргийн тохиолдол, эд хөрөнгө, эрүүл мэндээрээ хохирох эрсдэл буурахаас гадна нийтийн тээврийн хэрэгслээс шалтгаалсан зохиомол түгжрэл, саатал арилж, нийтийн тээврийн зорчих дундаж хурд нэмэгдэнэ.