Иргэд: Тэрэлж, Скай ресорт чиглэлд өдөр бүр автобус явж буйд талархав
Нийтийн тээврийн бодлогын газрын фейсбүүк хуудасны коммент болон мессенжерт иргэдээс 2025 оны 1 дүгээр сарын 3-9-ны хооронд нийт 8 санал, гомдол, талархал, хүсэлт илгээсэн.
- Санал-2
- Гомдол-3
- Талархал-2
- Хаясан гээсэн зүйлээ асуусан-1
Сурагчдын амралтыг тохиолдуулан Тэрэлж, Скай ресорт чиглэлд өдөр бүр автобус явж буйд иргэд талархлаа илэрхийлсэн. Харин иргэдээс оройн буултын үеэр автобус дараалаад бууж байна хэмээн гомдол мэдүүлсэн. Угсраа автобусны талаар дараах санал ирсэн. Урд хаалганаас бусад хаалгаар орж байгаа иргэд автобусны карт болон бэлэн мөнгө төлөхгүй зорчиж байна. Иймд хаалга бүрд хянагч ажиллуулах хэрэгтэй гэсэн юм.