"Хүүхдийн хөгжилд эцэг эхийн оролцоо" сургалтад хамрагдлаа

Хүүхэд, гэр бүл, боловсролын төвөөс Нийтийн тээврийн бодлогын газрын албан хаагчдад өнөөдөр “Хүүхдийн хөгжилд эцэг, эхийн оролцоо” сэдэвт сургалтыг зохион байгууллаа.

Тус сургалтаар хүүхдийн нас, бие махбодь, сэтгэл зүйн онцлогт тохирсон хүүхдийн хөгжлийг дэмжих эерэг арга барил, мөн эцэг, эх, асран хамгаалагчдад хүүхэд хүмүүжлийн эерэг аргуудыг хэрхэн эзэмших талаар сэтгэл судлаач, сургагч багш Э.Бэхбат заав.

Энэхүү сургалт нь Монгол Улс даяар хэрэгжиж буй бөгөөд нийтийн тээврийн үйлчилгээ эрхлэгч аж ахуйн нэгжүүдийн албан хаагчдад шат дараатайгаар хүртээмжтэй зохион байгуулахаар төлөвлөж байна.