“Нийтийн тээврийн салбарын өнөөгийн байдал, чанар, хүртээмжийг нэмэгдүүлэх" нь сэдэвт сургалт боллоо

Нийтийн тээврийн бодлогын газар, Жайка олон улсын байгууллагатай хамтран “Нийтийн тээврийн салбарын өнөөгийн байдал, чанар, хүртээмжийг нэмэгдүүлэх" нь сэдэвт сургалтыг зохион байгуулж байна.

Нийтийн тээврийн бодлогын газрын дарга Д.Отгонжаргал нийтийн тээврийн өнөөгийн байдал, цахим шилжилтийн давуу тал, цаашид анхаарах асуудлын талаар мэдээлэл хийлээ. Жайка олон улсын байгууллагын Төлөөлөгчийн газрын орлогч дарга Ёшимура Токүжи сургалтын ач холбогдлын талаар мэдээлэл хийж мэндчилгээ дэвшүүллээ.

Энэхүү сургалтаар зорилтот бүлгийн зорчигчдод үйлчилгээний хүртээмжийг хэрхэн нэмэгдүүлэх, тогтвортой хотын тээвэр ямар байх ёстой, нийтийн тээврийн эрэлтийг тодорхойлох, судалгаа төлөвлөлт гэх мэт олон чухал асуудлаар мэдээлэл солилцож санал бодлоо хуваалцлаа.

Сургалтад нийтийн тээврийн үйлчилгээ эрхлэх зөвшөөрөлтэй аж ахуйн нэгж байгууллагын төлөөлөл оролцож байна.