Нийтийн тээврийн зорчилтын тоо өнгөрсөн онд өсжээ

2024 онд нийтийн тээврээр 142.7 сая иргэн зорчсон бөгөөд энэ нь 2023 оны зорчилтоос 2.5 саяар өссөн үзүүлэлт юм. Зорчилтын тоо өссөн хэдий ч төлбөртэй зорчилт 2023 онтой харьцуулахад 3.9 хувиар буурч, хөнгөлөлттэй буюу төлбөргүй зорчилтын тоо 11.6 хувиар өсжээ.

2024 онд нийтийн тээврийг сонгон үйлчлүүлдэг иргэд мягмар гарагт түлхүү үйлчлүүлсэн байна.

Мөн дөрөвдүгээр сард хамгийн их зорчигч буюу 13.76 сая иргэн үйлчлүүлжээ.

Иргэдийн хамгийн олон удаа үйлчлүүлсэн  3 чиглэл:

• М:1 (5шар-Офицеруудын ордон-) чиглэлд-19 сая иргэн
• М:4 (Шар хадны эцэс-Цамбагарав) чиглэлд-5.9 сая иргэн
• Ч:40 (Алтан тариа-Улаан хуарангийн эцэс) чиглэлд- 4 сая иргэн үйлчлүүлжээ.